Siglir tar il cuntegn

Header

video
Cologna: «Guardond enavos avess jau stuì dosar meglier»
Or da Sport-Clip dals 31.12.2021.
laschar ir
cuntegn

3. etappa Tour de Ski Kläbo suveran – Svizzers persvadan ad Oberstdorf

Suenter il sprint a Lai gudogna il grond favurit norvegiais Johannes Hösflot Kläbo er la terza etappa dal tour sur 15 kilometers stil liber.

Ils passlunghists svizzers mussan ina ferma prestaziun durant l'ultima cursa dal 2021. Gist trais atlets fan il pass sut ils top 16 ad Oberstdorf. Meglier Svizzer vegn il Grischun Jonaus Baumann sco 13avel, avant Dario Cologna sco 15avel e Beda Klee sco 16avel. Anc aifer ils rangs da puncts è era il Svizzer Candide Pralong vegnì sco 29avel.

video
L'arrivada dals Svizzers
Or da Sport-Clip dals 31.12.2021.
laschar ir

Gudagnà ha il Norvegiais Johannes Kläbo, avant il Russ Alexander Bolschunow ed in segund Norvegiais, Sjur Röthe.

Passlunghistas svizras fan paucs puncts ad Oberstorf

Auter èsi ì cun las passlunghistas svizras al tour de ski ad Oberstorf. La giuvna Nadja Kälin fa sco meglra Svizra il plaz 19 en ils 10 km stil liber. Lydia Hiernickel vegn 29avla, Nadine Fähndrich 34avla e Laurien van der Graaff 43avla. Gudagnà ils 10 km ha l'Americana Jessie Diggins, cnap avant la Svedaisa Frida Karlsson e la Russa Tatiana Sorina.

Il tour de ski cuntinuescha Bumaun cun il sprint classic, e suenter las cursas finalas en stil classic e skating ils 3 e 4 da schaner – sco gia tradiziun a Val di Fiemme.

RTR novitads 14:00

Artitgels legids il pli savens

Scrollar a sanestra Scrollar a dretga