Siglir tar il cuntegn

Header

video
Cumenzà ha la partida tut auter che optimal per il HCD.
Or da Sport-Clip dals 03.12.2021.
laschar ir. Durada: 30 Secundas.
cuntegn

31avla runda Il HCD batta Losanna suenter sajettar penaltis

Il Club da Hockey da Tavau ha gudagnà la partida ordaifer encunter Losanna cun 3:2. La decisiun è però pir crudada suenter sajettar penaltis.

Per ils Grischuns ha la partida però cumenzà mal. Gia suenter 82 secundas ha Christoph Bertschy sajettà Losanna en l'avantatg. Tavau è lura vegnì d'egualisar grazia al gol da Axel Simic. Suenter la mesadad dal gieu ha Damien Riat però gia fatg il proxim gol per Losanna.

Tavau ha mussà dapli gnerva

Pir 35 secundas avant la fin dal temp regular èsi lura gartegià a Dennis Rasmussen d'anc egualisar la partida e d'uschia sfurzar la prolungaziun. Là n'hai però dà nagins gols. Tar il sajettar penaltis han ils Grischuns lura mussà meglras gnervas.

Tavau ha uschia pudì evitar las 4. terrada aifer 5 gieus. En la tabella fa il HCD puspè bun in plaz ed è da nov terz davos Zug ed il leader Fribourg.

Las ulteriuras partidas

  • Fribourg – Berna : 4:3 suenter prolungaziun
  • Genevra – Lakers : 2:0
  • ZSC Lions – Bienna : 5:2

RTR novitads 22:00

Artitgels legids il pli savens

Scrollar a sanestra Scrollar a dretga