Als gieus olimpics a Tokio ha Andre de Grasse gudagnà aur tar il sprint sur 200 meters. Il Canadais ha gudagnà cun 19,62 secundas avant ils dus Americans Keneth Bednarek ed il campiun mundial Noah Lyles. De Grasse suonda uschia a Usain Bolt che aveva triumfà tranter 2008 e 2016 trais giadas en questa disciplina. Per l'atlet che ha 26 onns èsi la tschintgavla medaglia a gieus olimpics dentant l'emprima dad aur. A Tokio èsi sia segunda medaglia: En il sprint sur 100 meters aveva Andre de Grasse gudagnà la medaglia da bronz.
Per il currider grischun William Reais, èsi stà a fin en il mezfinal dal sprint da 200 meters. L'atlet da Cuira è vegnì tschintgavel en ses mezfinal a Tokio.
