Jason Joseph ha manchentà il final sur ils 110 meters obstachels als gieus olimpics a Tokyo. Il campiun europeic U23 dal 2019 è vegnì 5avel en ses mezfinal e n'ha uschia era gì nagina schanza da sa qualifitgar sur il temp da 13,46 secundas.
Il temp ch'il currider d'obstachels da 22 onns aveva cuntanschì en la cursa d'eliminaziun (13,31 secundas) avess bastì per cuntanscher il final. Perquai è Joseph suenter la cursa er stà trumpà ed in zic embruglià.
