La giugadra da tennis da Cuira Simona Waltert manchenta la qualificaziun per il tableau principal a l'Australian Open. La Grischuna da 23 onns ha pers la davosa partida da qualificaziun cunter la Russa Anastasia Sacharowa. Quai cleramain en dus sets cun 1:7 ed 1:6.
La segund davosa runda da qualificaziun aveva Waltert gudagnà cunter la Spagnola Marina Bassols cun 2:6, 6:1 e 6:3. Waltert è actualmain sin plazza 166 da la rangaziun mundiala.
La Genevrina Lulu Sun ha entant cuntanschì per l'emprima giada il tableau principal d'in turnier da Grand Slam. La giuvna da 22 onns ha gudagnà la davosa partida da qualificaziun cunter Zeynep Sonmez da la Tirchia en trais sets cun 6:4, 3:6 e 6:2.
Or da l'archiv
audio
Simona Waltert e sias experientschas da turniers gronds
ord Actualitad dals 08.06.2023.
Maletg: Keystone
laschar ir. Durada: 4 minutas 16 Secundas.
