Karim Benzema è vegnì undrà sco meglier giugader da l’onn cun il Ballon d’Or da la FIFA. Il Franzos da 34 onns curunescha uschia sia carriera. Benzema è cun quai l’emprim Franzos che gudogna la trofea prestigiusa dapi Zinédine Zidane il 1998.
Stagiun excepziunala
La stagiun passada è el stà participà decisivamain che ses club Real Madrid ha gudagnà il dubel da campiunadi spagnol e Champions League. En omaduas concurrenzas ha el er mintgamai sajettà ils pli blers gols. Meglra giugadra è la Spagnola Alexia Putellas che dat per Barcelona. Meglier goli dal 2022 è il collega d’equipa da Benzema, il Beltg Thibaut Courtois.
