Al campiunadi mundial da las dunnas en l’Australia e la Nova Zelanda sto la squadra naziunala svizra desister dal talent offensiv Iman Beney. La Vallesana da 16 onns saja sa blessada grevamain durant in trenament per l’ultim gieu da test cunter il Maroc da questa saira. Ella haja rut il liom cruschà. Quai ha communitgà l’Associaziun svizra da ballape.
Enstagl da Iman Beney survegn uschia l’attatgadra Amira Arfaoui la schanza da far part al campiunadi mundial ch’è dals 20 da fanadur enfin ils 20 d’avust. Tar il cader da la trenadra Inka Grings tutgan er duas Grischunas, numnadamain las golias Seraina Friedli e Livia Peng.
audio
Per tadlar: las novitads da las 06:00
ord RTR Audio dals 05.07.2023.
laschar ir. Durada: 4 minutas 53 Secundas.
