Siglir tar il cuntegn

Header

cuntegn

Ballape regiunal Cuira n'ha betg emblidà il gudagnar

Cuira 97 gudogna ordaifer cunter AS Calcio Kreuzlingen cun 3:1. Igl è la terza victoria per la squadra da Maximilian Knuth en questa stagiun e l'emprima suenter 5 terradas en seria. La victoria dastga Cuira engraziar a trais Sursilvans. Marino Cavegn, Rafael Deplazes e Lars Caduff sajetan ils gols per ils Grischuns.

Domat cun pari – Schluein perda

En la segunda liga è la partida tranter Domat e l'ultim da la tabella, Montlingen, ì a fin pari 0:0. L'Uniun sportiva da Schluein Glion ha pers sia partida encunter Winkeln, quai cun 0:1. Domat sa chatta uss sin plazza 9 da la tabella, fertant che Schluein resta sin il penultim plaz.

Trun/Rabius cun la terza victoria en seria

Il CB Trun/Rabius po prender cun il schlantsch da las victorias en la Cuppa Svizra ed en il derbi sursilvan e batta er Bogn Ragaz cun 3:2. Ils da Bogn Ragaz eran avant la partida anc a la testa da la tabella. En las ulteriuras partidas da la sonda gioga il FC Tusaun-Cazas 2:2 cunter Weesen e Valposchiavo Calcio gudogna a chasa cunter Sargans cun 2:0.

La dumengia ha il CB Surses pers encunter Landquart. Quai cun 2:4. Plinavant ha Lumnezia pers sia partida encunter Eschenbach, quai cun 0:2. En la tabella restan ils da Surses uschia cun 7 puncts, sin il terz ultim plaz. Lumnezia è cun in punct a la cua da la tabella.

RTR novitads 18:00

Artitgels legids il pli savens