3. liga, gruppa 1
Il gieu da la mesemna saira tranter Sargans ed il CB Surses finescha cun in pari 0:0. Cun quest punct reusseschi als giugaders da Surses, da reducir il retard sin l'emprim plaz sur il stritg anc ad in punct.
En in gieu da Glindesdi Pasca ha il CB Lumnezia pers en las davosas minutas il gieu cunter Uznach. Fin la 90avla minuta steva il gieu pari 1:1. Danilo Blumenthal aveva egulisà en la 80avla minuta. En il temp supplementar han ils Lumnezians lura anc survegnì dus gols, al resultat final dad 1:3. Uschia restan els sin il davos plaz da la tabella.
Resultats 3. liga
2. liga, gruppa 1
La gievgia avant Pasca ha Domat pers cun 2:4 ordaifer cunter il FC Abtwil-Engelburg. Ils Grischuns eran suenter l'emprima mesadad gia cun 0:3 en retard cunter il club dal chantun Son Gagl, ed en la 49avla minuta è anc crudà il quart gol per il FC Abtwil-Engelburg. Domat ha lura mo anc pudì far cosmetica da resultat, e scursanir al resultat final da 2:4. Domat resta uschia cun 13 puncts, gist anc sur il stritg.
