Siglir tar il cuntegn

Header

cuntegn

Ballape Yann Sommer mida per immediat tar Bayern München

Uss èsi sco ch'i para fix: Il goli da la naziunala svizra Yann Sommer banduna Gladbach e mida per immediat tar Bayern München. Suenter contractivas e vi's e nà's sur emnas è ses club da Borussia Mönchengladbach sa cunvegnì cun l'FC Bayern München davart il transfer. Suenter Alain Sutter, Ciriaco Sforza e Xherdan Shaqiri è Sommer pir il quart Svizzer che stat sut contract en ina liga tudestga sin quest livel.

Ins saja sa cunvegnì ad ina summa da transfer dad 8 milliuns euros plus in bonus dad 1 milliun. Il goli svizzer da 34 onns duai suttascriver in contract fin il 2025. Sommer ha giugà ils ultims otg onns e mez tar Gladbach. Tar il nov club pudess el gia vegnir en acziun il venderdi en la partida cunter Leipzig.

RTR novitads 16:00

Artitgels legids il pli savens