Beachvolley - Brunner/Hüberli na pon betg defender il titel europeic

Al duo svizzer Nina Brunner e Tanja Hüberli n'èsi betg reussì da defender il titel da campiunessas europeicas e sto sa cuntentar cun argient: En il final a Minca han las Svizras pèrs cunter il duo da la Lettonia Anastasija Kravcenoka/Tina Graudina en trais sets cun 21:18, 15:21 ed 11:15. Ellas n'hajan betg gì lur meglier di, ha ditg Nina Brunner suenter il gieu tut trumpada. I sa tracta gia da la segunda terrada en seria en il final entaifer da be paucas emnas. Avant il campiunadi europeic ha il duo svizzer pers il final dal turnier a Hamburg.