Las giugadras svizras dal beachvolleyball, Tanja Hüberli e Nina Betschart – cumbattan la sonda per medaglias al campiunadi europeic a Vienna. Ellas han cuntanschì ils mezfinals. En il quartfinal il venderdi han las Svizras battì il duo dals Pajais Bass, Sanne Keizer e Madelein Meppelink cun 22:20 e 21:19. Avant aveva il duo svizzer gudagnà cleramain lur otgavelfinal cunter il duo da la Pologna – quai en dus sets cun 21:13 e 21:17.
Il mezfinal dal campiunadi europeic dattan Hüberli/Betschart la sonda da mezdi. Adversarias èn las Tudestgas Karla Borger e Julia Sude. Quellas avevan gudagnà en ils otgavelfinals cunter l'auter duo svizzer, Esmée Böbner e Zoé Vergé-Dépré, en trais sets cun 21:12, 15:21 e 15:11.
En il sedeschavelfinal dals umens han ils Svizzers Yves Haussener e Marco Kratiger pers encunter ils campiuns mundials Wjatscheslaw Krassilnikow e Oleg Stojanowski da la Russia cun 18:21 e 14:21.