Siglir tar il cuntegn

Header

audio
Bianca Gisler a la qualificaziun da snowboard slopestyle
Or da Actualitad dals 05.02.2022.
abspielen. Laufzeit 3 minutas 19 Sekunden.
cuntegn

Beijing 2022 Bianca Gisler manchenta il final

La snowboardista da Scuol Bianca Gisler è daventada 20avla da 28 atletas en la qualificaziun dal slopestyle. Perquai è il final olimpic da la dumengia senza la giuvna atleta da 18 onns.

Franada è Bianca Gisler vegnida pervi d’ina blessura vid il chalun, suenter ch’ella è cupitgada il venderdi en il trenament. Perquai ha ella pudì ir a la partenza be grazia a medicaments cunter il mal.

audio
Peking 2022: Bianca Gisler suenter la qualificaziun
aus Actualitad vom 05.02.2022.
abspielen. Laufzeit 2 minutas.

Anc na va Gisler dentant betg a chasa. Ella ha anc ina schanza per ina buna plazza en la disciplina dal Big Air. Lezza qualificaziun ha lieu glindesdi, ils 14 da favrer a las 02:30 temp svizzer.

video
Emprim percurs da Bianca Gisler
Or da Beijing 2022 Clips dals 05.02.2022.
abspielen. Laufzeit 2 minutas 18 Sekunden.

Ariane Burri è qualifitgada

Meglier è la qualificaziun gartegiada a la segunda Svizra ch’è stada a la partenza, Ariane Burri da Lucerna. Cun in bun segund percurs daventa ella cun 65,55 puncts 12avla, e po uschia partir la dumengia en il final als gieus olimpics.

video
Burri sa qualifitgescha en segund percurs
Or da Beijing 2022 Clips dals 05.02.2022.
abspielen. Laufzeit 2 minutas 30 Sekunden.

Gudagnà la qualificaziun ha la Novzelandaisa Zoi Sadowski Synnott, ella ha fatg 86,75 puncts.

RTR novitads 07:00

Artitgels legids il pli savens

Scrollar a sanestra Scrollar a dretga