La snowboardista da Scuol Bianca Gisler è daventada 20avla da 28 atletas en la qualificaziun dal slopestyle. Perquai è il final olimpic da la dumengia senza la giuvna atleta da 18 onns.
Franada è Bianca Gisler vegnida pervi d’ina blessura vid il chalun, suenter ch’ella è cupitgada il venderdi en il trenament. Perquai ha ella pudì ir a la partenza be grazia a medicaments cunter il mal.
Anc na va Gisler dentant betg a chasa. Ella ha anc ina schanza per ina buna plazza en la disciplina dal Big Air. Lezza qualificaziun ha lieu glindesdi, ils 14 da favrer a las 02:30 temp svizzer.
Ariane Burri è qualifitgada
Meglier è la qualificaziun gartegiada a la segunda Svizra ch’è stada a la partenza, Ariane Burri da Lucerna. Cun in bun segund percurs daventa ella cun 65,55 puncts 12avla, e po uschia partir la dumengia en il final als gieus olimpics.
Gudagnà la qualificaziun ha la Novzelandaisa Zoi Sadowski Synnott, ella ha fatg 86,75 puncts.
