Siglir tar il cuntegn

Header

video
Dario Cologna avant sias ultimas cursas a gieus olimpics
Or da Telesguard dals 10.02.2022.
laschar ir. Durada: 2 minutas 14 Secundas.
cuntegn

Beijing 2022 – Dario Cologna «Jau na sun betg pli in dals favurits»

Sin Dario Cologna spetgan ils quarts e davos gieus olimpics da la carriera. Il Jauer parta a Peking als 15 kilometers en il stil classic, a la cursa da staffetta ed a la cursa roiala sur 50 kilometers en il stil liber.

    Dario Cologna e gieus olimpics, quai è stà in’istorgia da success. Fin oz ha el gudagnà quatter medaglias dad aur. Trais giadas en roda – a Vancouver il 2010, a Sotschi il 2014 ed a Pyeongchang il 2018 – ha el triumfà en la cursa da 15 kilometers.

audio
Dario Cologna parta a ses quarts gieus olimpics
ord Actualitad dals 11.02.2022.
laschar ir. Durada: 3 minutas 24 Secundas.

A Peking va el uschia a la partenza sco defensur dal titel en questa disciplina. Auter ch'anc tar ils ultims gieus olimpics, n’è Cologna betg pli in dals favurits. Tuttina vul el mussar sia meglra prestaziun pussibla, procurar per ina surpraisa ed uschia terminar cun success si'aventura olimpica.

audio
Dario Cologna avant sia derniera olimpica
ord Actualitad dals 10.02.2022.
laschar ir. Durada: 5 minutas 54 Secundas.

Program da cursas da Dario Cologna:

  • Venderdi, ils 11 da favrer: cursa da 15 kilometers classic
  • Dumengia, ils 13 da favrer: cursa da staffetta (4 giadas 10 kilometers)
  • Sonda, ils 19 da favrer: cursa da 50 kilometers stil liber
Dario Cologna
Legenda: Cun Dario Cologna prenda a Peking in dals gronds cumià da la tribuna olimpica. Keystone

RTR actualitad 06:00

Artitgels legids il pli savens

Scrollar a sanestra Scrollar a dretga