Quai vegnia a dar ina legra chaussa, manegia Lisa Peers Dermont. Ella è oriunda da Rueun ed ha vivì bun quatter onns en la China. La lingua saja ina gronda barriera, ma cun segns e maletgs mitschian ins adina, di la Sursilvana. Malgrà ch’ils Chinais sajan fitg averts e curtaschaivels saja da quintar ch’els mussian cun il det sin las visitadras ed ils visitaders, saja quai atlets u schurnalistas. Tuts sajan per els exots.
Segir saja dentant che quests gieus olimpics vegnan organisads grondius. Pervia da la pandemia da corona na saja dentant betg da quintar cun gronda libertad, uschia Lisa Peers Dermont.