Tar la cuppa mundiala a Pokljuka è stà sin il program persecuziun sur 10 km. E las Svizras èn puspè stadas spertas. Amy Baserga ha fatg il megler resultat da sia carriera (12.), ed Aita ed Elisa Gasparin suandan sin il 14avel e 17avel plaz. Er anc tar las meglras 20 ha Lena Häcki-Gross tutgà. Victura era puspè Elvira Öberg.
Venderdi eran 4 Svizras en la top 20 en la disciplina da sprint. Aita Gasparin ha cuntanschì plaz 12, las autras Svizras èn plazzadas davos Gasparin.
