Siglir tar il cuntegn

Header

cuntegn

Bike Revolution Tavau Lars Forster gudogna, Vital Albin batta Nino Schurter

Il Songagliais Lars Forster ha er demonstrà sia buna furma a la cursa da la Bike Revolution a Tavau. Il vice-campiun d'Europa e victur da la cursa da la cuppa mundiala a Leogang mez zercladur ha triumfà moda suverana avant ses collega d'equipa Vital Albin. Il Lumnezian ha perencunter battì ses grond idol Nino Schurter ch'è vegnì terz, sco gia a la cursa da la Bike Revolution tar el a chasa a Cuira. Betg stà a la partenza è Mathias Flückiger suenter sia operaziun vid il maun.

Podest umens d'elita:

  1. Lars Forster 1:16:51
  2. Vital Albin +0:30 minutas
  3. Nino Schurter +1:12,8 minutas

Alessandra Keller ina classa per sa sezza

Tar las dunnas ha gudagnà Alessandra Keller, l'actuala campiunessa svizra. Ella ha pudì sa distanziar gia en la segunda runda da l'entira concurrenza. Per il segund plaz han la finala duellà Nicole Koller e Sina Frei cun la meglra fin per Koller. Betg stada a la partenza è Jolanda Neff.

Podest dunnas d'elita:

  1. Alessandra Keller 1:19:59
  2. Nicole Koller +1:38,3 minutas
  3. Sina Frei +2:36,6 minutas

RTR novitads 17:00

Artitgels legids il pli savens