Segunda etappa è passada
Suenter il strapatsch da l'emprima etappa – nua che Andreas Wieland e Coni Schwarzentruber han dà tut durant 5 uras e 45 minutas – hai duvrà la gievgia bun'ura ina massascha per pudair far frunt a la segunda sfida: il trajet che maina tras l'Engiadina da La Punt a Silvaplauna ed enavos. 2'000 meters differenza d'autezza han els gì da surmuntar sin quest traject cun il punct il pli aut al Lai alv sin la Corviglia.
Coni è ida super oz, ina buna etappa. Ma pli strentg che ier.
-
Bild 1 von 4. Il «Team RTR» ed il «Team Openair Lumnezia» cun Norbert e Ronny Cavegn èn plain legria suenter ch'i han dà damogn a la segunda etappa. Bildquelle: RTR.
-
Bild 2 von 4. Coni ed Andi èn pronts per la segunda etappa. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Bildquelle: RTR.
Cumpareglià cun l'etappa «roiala» da la mesemna è questa segunda etappa «be» pli stada 61 kilometers lunga. Ma er oz è la chalira stada ina gronda sfida – baiver avunda aua ed far diever da meds sco gels da sa refrestgentar è era stà essenzial durant questa segunda etappa. Suenter 4 uras e 31 minutas dar en las pedalas è il Team RTR lura arrivà stanchel, ma cun in grond surrir a la finamira.
L'emprima etappa è dumagnada
Mesemna a las 08:10, èn var 600 participantas e participants partids a l'emprima d'en tut tschintg etappas dal Swiss Epic – tranter els er il duo dal «Team RTR».
Mintgin e mintgina ha cumenzà la cursa cun in grond surrir.
Radund 78 kilometers èn stads da surmuntar en questa emprima etappa da Tavau a La Punt Chamues-ch. Pervia da l'ascensiun fin sin il Pass d'Alvra sin 2'500 meters sur mar, vala quella sco l'etappa «roiala» – 3 uras e 20 minutas han ils pli svelts duvrà fin la lingia d'arrivada.
Coni ed Andi han sco Team RTR dumagnà quella etappa roiala en 5 uras e 44 minutas sco 13avels en la categoria Mixed (199 en classament general).
La meglra equipa grischuna cun Andrin Beeli da Sagogn e Davide Foccoli ha cuntanschì La Punt en 3 uras e 24 minutas – ed uschia cuntanschì la plazza 5 suenter l'emprim di.
Impressiuns persunalas
-
Bild 1 von 5. Stanchels ma cuntents d'avair dumagnà l'emprima etappa dal «Swiss Epic». Per far frunt a la temperaturas da 25-26 grads chaudas è il duo dad RTR per l'emprima giada partì cun atgnas buttiglias d'aua. Posts da nutriment e d'aua datti numnadamain be mintga pèr kilometers. Bildquelle: rtr.
-
Bild 2 von 5. Andreas e Coni èn arrivads a Tavau. Bildquelle: rtr.
-
Bild 3 von 5. Bildquelle: rtr.
-
Bild 4 von 5. Bildquelle: rtr.
-
Bild 5 von 5. Bildquelle: rtr.
Tschintg dis – tschintg etappas
5 dis, 5 etappas, 340 kilometers e 12'000 meters differenza d'autezza – uschia sa preschenta il Swiss Epic 2025 che maina er quest onn sin trutgs e trails en las regiuns da l'Engiadin'Ota, Tavau e perfin ina giada sin il Pass dal Bernina. Il Swiss Epic vala sco ina da las pli diras e pretensiusas cursas da mountainbike insumma. Il spezial - a questa cursa vegn partì en teams da dus. Er a la partenza il 2025 è il «Team RTR» cun Andreas Wieland e Cornelia Schwarzentruber.
Swiss Epic 2025 – puspè LA gronda sfida per profis, sco era per amaturas ed amaturas da bike passiunads. Perseveranza, resistenza ed era inschign: dals teams da dus vegn pretendì bler – era da noss «Team RTR», represchentà da Cornelia (Coni) Schwarzentruber e noss redactur da sport Andreas (Andi) Wieland.
Surnum: Coni
Data da naschientscha: 29 da november 1981
Professiun: policista
📍Domicil: Kaltbrunn SG
🏁Ama: Distanzas da maraton sin duas rodas – cun amur per il detagl
🚴♀️
Terren preferì: trutg cun ragischs cun potenzial da surpraisas
Etappa preferida: downhill tecnic cun kick d’adrenalin e quella cun la meglra petta al post d’alimentaziun
Record persunal: 6 uras en sella – ed anc adina da buna luna
😎
Snack preferì: bastunet cun mel d’avieuls
Sin il bike mai senza: ina chanzun en il chau ed in rir en la fatscha
Superforza secreta: «Cola verleiht Flügel»
🎵❤️
Musica: pop e house
ChueLee, la band da mes frar Martin
🗣️ +🌦️
Motto: «Sulegl en la fatscha, glitta en las stgarpas – perfect.
E mintgatant di mes GPS: a dretga. Mes venter: AVENTURA»
Jau ma legrel enorm da puspè far il rocken ils trails grischuns.
Surnum: Andi
Data da naschientscha: 2 da favrer 1981
Professiun: schurnalist da sport
📍Domicil: Panaduz
🏁Ama: Cursas a lunga distanza cun intensitad mentala e forza fisica
🚴♀️
Terren preferì: trails cun panorama
Etappa preferida: muntada la damaun cun levada dal sulegl
Record persunal: 5 pass en in di (e gnanc ina blastemma)
😎
Snack preferì: Appenzeller Bärli-Biber
Sin il bike mai senza: handy ed ursets da gumma
Superforza secreta: valitar cun in sguard la direcziun dal vent e la pendenza
🎵❤️
Musica: pop, rock e classic
Johannes Oerding, chantadur da pop e songwriter tudestg
🗣️ +🌦️
Motto: «Cun mintga meter d’autezza crescha la bella vista – e l’appetit.
Ed i na dat betg schlett’aura – mo schlettas stgisas»
Jau hai pudì ma preparar optimalmain sin la cursa.
-
Bild 1 von 2. Il Team RTR è arrivà a Tavau a la partenza. Bildquelle: RTR.
-
Bild 2 von 2. Il di avant la partenza al SwissEpic. Bildquelle: RTR.
Hop Team RTR!
La via è la finamira – quai vala era per la preparaziun minuziusa da Coni ed Andi sin il Swiss Epic 2025: 6 mais, in plan da trenament per vegnir en furma e blers, blers, blers kilometers! Dad els avain vulì savair sin tge ch'els sa legran il pli fitg e tge che va insumma tras lur chaus durant tut quellas uras sin il bike. Per exempel avain chattà ora, che Coni ha in'autra idea che Andi, tge che pertutga il dretg mument per in magiel vin – guardai e tadlai sezs.
Nua e dapì cura han els trenà? Voilà ina simpla invista dals ultims mais.
La preparaziun da Coni ed Andi sin il Swiss Epic 2025
-
Bild 1 von 17. Mars 2025. Emprims kilometers sin il velo da cursa e sin il bike. Qua ina runda enturn il lai da Turitg. Bildquelle: RTR.
-
Bild 2 von 17. Avrigl 2025. Champ da trenament a Mallorca cun il velo da cursa ... Bildquelle: RTR.
-
Bild 3 von 17. ... Da fina bell’aura en ina cuntrada magnifica . Bildquelle: RTR.
-
Bild 4 von 17. ... tras bellas citads spagnolas, qua ad Alaró en il vest da l'insla Mallorca. Bildquelle: RTR.
-
Bild 5 von 17. ... e suenter enavos en Svizra, la fin d’avrigl, cun temperaturas definitiv pli frestgas. Bildquelle: RTR.
-
Bild 6 von 17. ... e cundiziuns pli crivas sco qua sin il Pass Alpsu. Bildquelle: RTR.
-
Bild 7 von 17. Matg 2025. Entschatta dal trenament cun focus mountainbike ... Bildquelle: RTR.
-
Bild 8 von 17. ... tras glitta. Bildquelle: RTR.
-
Bild 9 von 17. ... tras l'aua. Bildquelle: RTR.
-
Bild 10 von 17. ... inclusiv adina era avair en egl la natira e giudair il panorama. Bildquelle: RTR.
-
Bild 11 von 17. Zercladur/fanadur 2025. La fin zercladur/entschatta fanadur la tura da bikepacking «Route des Grandes Alpes». Bildquelle: RTR.
-
Bild 12 von 17. ... ina tura da Genevra vers la Mar Mediterrana enavos a Genevra cun surmuntar ils gronds pass da la Frantscha, ils classichers dal Tour de France. Bildquelle: RTR.
-
Bild 13 von 17. In dals puncts culminants, l'ascensiun sin il legendar Mont Ventoux. Bildquelle: RTR.
-
Bild 14 von 17. Avust 2025. Las davosas emnas la preparaziun finala en patria, qua ina tura tras la Ruinaulta ... Bildquelle: RTR.
-
Bild 15 von 17. ... inclusiv modus da cursa (Black Forest Ultra Bike Marathon). Bildquelle: Sportograf.
-
Bild 16 von 17. Ed uss. pronts per la sfida Swiss Epic 2025 che cumenza mesemna, ils 13-08-25. Tar RTR da persequitar sco livestream. Bildquelle: RTR.
-
Bild 17 von 17. Bildquelle: RTR.
Resultats e rangaziun
Impressiuns dal Team RTR durant il Swiss Epic 2024
-
Bild 1 von 15. Andi sin in trail spectacular . Bildquelle: sportograf.
-
Bild 2 von 15. Team RTR cun Andreas Wieland e Cornelia Schwarzentruber. Bildquelle: RTR.
-
Bild 3 von 15. Coni a la testa tras il guaud da Staz. Bildquelle: swiss-image.
-
Bild 4 von 15. Andreas Wieland ensemen cun Sebastian Vettel ch'è vegnì quatter giadas campiun mundial en la furmla 1. Bildquelle: RTR.
-
Bild 5 von 15. Ils davos meters per il Team RTR – igl è dumagnà. Bildquelle: C. Degonda.
-
Bild 6 von 15. Roman Dobler vid far l'intervista cun Andi e Coni. Bildquelle: C. Degonda.
-
Bild 7 von 15. Andi en il downhill. Bildquelle: sportograf.
-
Bild 8 von 15. Coni dal Pass dal Scaletta direcziun Val Dischma. Bildquelle: C. Degonda.
-
Bild 9 von 15. Team RTR partì a La Punt per la segunda etappa vers Tavau. Bildquelle: sportograf.
-
Bild 10 von 15. Andi sin il Foppettas Flow Trail sur San Murezzan. Bildquelle: sportograf.
-
Bild 11 von 15. Ina gervosa frestga bain meritada suenter il strapaz dals davos tschintg dis. Bildquelle: C. Degonda.
-
Bild 12 von 15. Andi vi da morder direcziun Pass dal Scaletta. Bildquelle: sportograf.
-
Bild 13 von 15. Il plaschair è grond tar Coni ed Andi dal Team RTR. Bildquelle: RTR.
-
Bild 14 von 15. Las forzas a fin – stuschar enstagl da pedalar. Bildquelle: sportograf.
-
Bild 15 von 15. Finisher Certificate. Bildquelle: epic-series.com.
Il «Team RTR» sut la marella
Coni ed Andi – «Ti u Jau»
Armonia, tenor determinaziun «... ina proporziun equilibrada tranter parts, ina cun l’autra» – vala quai era tar Coni ed Andi, noss gladiaturs da bike?
Tgi è pli gnervus avant ina cursa? Tgi lascha plitost si la chapellina en l’ustaria? Tgi è pli adattà per il circus? Las 11 dumondas ed anc dapli respostas èn da chattar en il «Ti u Jau».
5 dis – 340 kilometers – 12'000 meters differenza d'autezza
Durant tschintg etappas han participantas e participants en mintgamai teams da dus d’absolver passa 340 kilometers cun 12'000 meters d’autezza.
| Data | Etappa | Profil |
|---|---|---|
| 13-08-2025 | Tavau – La Punt | 78 km / 2'400 m d'autezza |
| 14-08-2025 | La Punt – La Punt | 61 km / 1'950 m d'autezza |
| 15-08-2025 | Pass dal Bernina – La Punt | 55 km / 1'200 m d'autezza |
| 16-08-2025 | La Punt – Tavau | 64 km / 1'900 m d'autezza |
| 17-08-2025 | Tavau – Tavau | 49 km / 2'000 m d'autezza |
Victurs dal Swiss Epic 2014-2024
Umens:
- 2024 – Gian Schmid (Svizra) / Lukas Flückiger (Svizra)
- 2023 – Martin Stosek (Tschechia) / Marc Stutzmann (Svizra)
- 2022 – Fabian Rabensteiner (Italia) / Daniel Geismayr (Austria)
- 2021 – Nicola Rohrbach (Svizra) / Lukas Flückiger (Svizra)
- 2020 – Nino Schurter (Svizra) / Lars Forster (Svizra)
- 2019 – Fabian Rabensteiner (Italia) / Michele Casagrande (Italia)
- 2018 – Matthias Stirnemann (Svizra) / Andri Frischknecht (Svizra)
- 2017 – Daniel Geismayr (Austria) / Jochen Käss (Germania)
- 2016 – Lukas Flückiger (Svizra) / Reto Indergand (Svizra)
- 2015 – Mathias Flückiger (Svizra) / Lukas Buchli (Svizra)
- 2014 – Lukas Buchli (Svizra) / Mathias Flückiger (Svizra)
Dunnas:
- 2024 – Monica Calderon Martinez (Columbia) / Tessa Kortekaas (Pajais Bass)
- 2023 – Vera Looser (Namibia) / Kimberley Le Court (Mauritius)
- 2022 – Bettina Janas (Germania) / Adelheid Morath (Germania)
- 2021 – Ariane Lüthi (Svizra) / Robyn de Groot (Africa dal Sid)
- 2020 – Haley Batten (Stadis Unids) / Annika Langvad (Danemarc)
- 2019 – Adelheid Morath (Germania) / Bettina Janas (Germania)
- 2018 – Haley Smith (Canada) / Catharine Pendrel (Canada)
- 2017 – Esther Süss (Svizra) / Jennie Stenerhag (Svezia)
- 2016 – Jolanda Neff (Svizra) / Alessandra Keller (Svizra)
- 2015 – Adelheid Morath (Germania) / Sally Bigham (Gronda Bretagna)
- 2014 – Annika Langvad (Danemarc) / Ariane Kleinhans (Africa dal Sid)
Infurmaziuns Swiss Epic 2025