Al campiunadi mundial da bob èn dus atlets dal Grischun vegnids sin il 11avel plaz. Per l'ina Melanie Hasler en il bob singul, per l'autra Cedric Follador e Rolli en il bob da dus.
Hasler è stada meglra svizra, s'ha dentant sa mussà dischillusiunada envers SRF. Sia collega d'equipa Debora Annen è vegnida sin il 13avel plaz. Gudagnà ha Laura Nolte da la Germania.
Cedric Follador e Rolli èn medemamain vegnids en il bob da dus sin il 11avel plaz, cun 2 minutas e 57 secundas retard sin Francesco Friedrich (GER). Sin il dieschavel plaz è er stà in bob svizzer (Friedli/Haas), ed er sin il 12avel (Rohner/Jones).
