Mathilde Gremaud gudogna bronz tar la premiera olimpica en il Big Air. Suenter duas terzas da la concurrenza era Mathilde Gremaud anc segunda. Tar ses terz ed ultim sigl ha ella lura prendì bler risico ed è crudada. Tuttina è bronz in bel regal per la Friburgaisa che festivescha oz ses 22avel natalizi.
audio
Mathilde Gremaud (franzos): In bel regal da natalezzi
ord RTR Audio dals 08.02.2022.
Maletg: Keystone
laschar ir. Durada: 7 Secundas.
La concurrenza da Big Air è per l'emprima giada ina disciplina olimpica. L'onn 2018 a Pyeongchang aveva Mathilde Gremaud gia gudagnà argient – lura dentant en il slopestyle.
Las medaglias
- Eileen Gu (China)
- Tess Ledeux (Frantscha)
- Mathilde Gremaud (Svizra)
Ulteriura Svizra
6. Sarah Höfflin
Al gieus olimpics 2018 a Pyeongchang aveva Sarah Höfflin gudagnà aur en il slopestyle, avant Mathilde Gremaud. Quella giada n'ha ella gì nagina schanza per cumbatter per las medaglias en il Big Air e vegn sisavla.
video
Terz run: L'attatga per aur n'ha betg funcziunà
Or da Beijing 2022 Clips dals 08.02.2022.
laschar ir. Durada: 56 Secundas.
