Siglir tar il cuntegn

Header

video
Tavau batta er ils Lakers a chasa
Or da Sport-Clip dals 17.09.2021.
laschar ir. Durada: 4 minutas 8 Secundas.
cuntegn

Campiunadi da hockey Il HCD batta Rapperswil Jona cun 5:3

Il Club da Hockey da Tavau festagia en la terza partida dal nov campiunadi la segunda victoria. L’equipa grischuna metta la basa per la victoria en l’emprim terz. Suenter 20 minutas stevi 3:0.

La basa per la victoria encunter Rapperswil ha il HCD mess durant l’emprim terz. Suenter ventg minutas stevi 3:0. Il terz gol dad Enzo Corvi è crudà ina secunda avant l’emprima posa. Cun quest avantatg confortabel è l’equipa grischuna alura partida en il segund terz. Ed enstagl ch'il HCD avess dà sco il leader ha l’equipa indigena dà or da maun la partida. Fin tar la mesadad dal gieu aveva Rapperswil scursani la partida. I steva mo pli 3:2.

Decisiun en il ultim terz

Era l’ultim terz ha cumenzà meglier per Rapperswil. Il HCD ha dentant reagi. Il capitani Andres Ambühl ha fatg il 5:3 en ina situaziun nua che Rapperswil smatgava sin il pari. Ina giada dapli ha il giugaders rutinà mussà sia classa. Cun ses gol era il gieu en sasez decidi. Era sche Rapperswil ha anc pendi in Timeout na ha quai gida pli nagut. Il HCD ha savì purtar a chasa la victoria. Suenter la victoria encunter Berna ha il HCD era batti ils Rapperswil-Jona Lakers.

Ils ulteriurs resultats

  • Ambri ha pers cunter Zug cun 1:4.
  • Berna ha gudagnà cunter ils SCL Tigers cun 8:1.
  • Losanna ha gudagnà cunter Servette cun 2:1.
  • Lugano ha pers cunter Bienna cun 3:5.
  • Ils ZSC Lions ha gudagnà cunter Ajoie cun 5:2.

RTR novitads 20:00

Artitgels legids il pli savens