Er encunter l’Israel è la naziunala svizra il grond favurit, sco en mintga gieu da quella qualificaziun. Il trenader Murat Yakin spetga dentant in pli ferm adversari questa saira en il Stade de Genève. Gronds experiments na vegni el perquai betg a far, mabain trametter sin il plaz la meglra equipa pussibla.
Grategi da gudagnar ils proxims trais puncts fis quai ina partenza perfetga en questa qualificaziun per il proxim grond turnier. La davosa giada che la Svizra ha numnadamain lantschà ina qualificaziun per in campiunadi d’Europa cun duas victorias è stà il 1994.
Per il capitani Granit Xhaka è il gieu encunter l’Israel gia ses 113avel en il tricot da la naziunala svizra. Cunquai è el da nov sin il segund plaz ed in manca be pli tschintg gieus per egualisar il record svizzer da Heinz Hermann cun 118 gieus.