Siglir tar il cuntegn

Header

video
Marlen Reusser n'è betg cuntenta cun ses segund plaz
Or da Sport-Clip dals 20.09.2021.
laschar ir
cuntegn

Campiunadi mundial ciclissem Argient per Marlen Reusser en la cursa cunter l'ura

Argient enstagl dad aur per la ciclista svizra Marlen Reusser. Als campiunadis mundials en la Flandra è Reusser vegnida segunda en la cursa cunter l'ura. Al di da ses 30avel anniversari è be l'Ollandaisa Ellen van Dijk stada pli sperta che Reusser. La ciclista bernaisa ch'aveva ditg gia ordavant ch'ella veglia aur n'è betg cuntenta cun ses segund plaz, è dentant da l'avis si'ura vegnia anc.

Ditg in bun temp

La cursa cunter l'ura ha cumenzà bain per la ciclista da l'Emmental. Duas giadas ha ella gì il meglier temp intermediar, er suenter 30 kilometers sco segund davosa ciclista era ella anc a la testa. La finala ha Reusser tuttina pers 10 secundas sin la victura Ellen van Dijk. Er sin il terz plaz è ina Ollandaisa cun Annemiek van Vleuten.

Als gieus olimpics a Tokio aveva Marlen Reusser ch'è pir dapi il 2017 en il circus da cursas da velo gudagnà la medaglia d'argient. La davosa campiunessa mundiala svizra en il ciclissem è Karin Thürig stada il 2005.

RTR novitads 18:00 ;

Artitgels legids il pli savens

Scrollar a sanestra Scrollar a dretga