En ils novs tempels da hockey a Turitg/Altstetten ed a Friburg/St-Léonard cun capacitads da 12’000, respectiv 10’000 visitadras e visitaders duai quai dar il proxim spectacul da hockey. Be trais mais suenter il turnier olimpic da Milano Cortina 2026 s’entaupan las meglras equipas da hockey dal mund en Svizra per curunar il campiun mundial.
Partida d’avertura po esser ina revantscha
La squadra naziunala da hockey svizra ha la grond'onur da pudair dar l’emprim gieu dal campiunadi mundial encunter il campiun olimpic. L’equipa dals Stadis Unids è dentant era il defensur dal titel dal campiunadi mundial. Avant in onn aveva la squadra naziunala svizra pers il final encunter ils Stadis Unids cun 0:1. Uschia è la partida tar il campiunadi mundial a chasa era ina partida da revantscha.
L’equipa dals Stadis Unids vegn dentant puspè ad esser fitg ferma. E cun la motivaziun dal titel olimpic emprova l’equipa segira da scriver istorgia e da gudagnar sco terza squadra insumma il «Double» da hockey, quai vul dir, il titel da campiun olimpic ed il titel da campiun mundial durant il medem onn. Fin uss è quai grategià be a duas equipas. Il 2006 aveva la Svezia gudagnà omadus turniers ed il 2022 la Finlanda.
Quatter giadas vice-campiun, a chasa duai grategiar cun il titel
Dapi ils 2013 ha la squadra naziunala da hockey svizra pers quatter giadas la partida da final tar in campiunadi mundial ed ha cun quai gudagnà la medaglia d’argient. La davosa giada è quai capità avant in onn, nua che la Svizra ha pers il final encunter ils Stadis Unids. Il fratemp ha l’equipa dal trenader Mike Sullivan era anc gudagnà il titel olimpic. La finamira da la squadra è senza dubi da gudagnar trais mais suenter la medaglia dad aur olimpica er puspè quella dal campiunadi mundial.
Il team per la missiun dad aur stat
- Il trenader Jan Cadieux dat enconuschent il cader da la Nati da hockey svizra per il campiunadi mundial a chasa che cumenza venderdi.
- Sper 6 stars da la NHL èn 18 acturs da la National League sco er Dominik Egli da Frölunda (Svezia) da la partida.
- Entant che l'engaschament da Philipp Kurashev è anc avert, daventan Giancarlo Chanton, Fabian Heldner e Simon Seiler sco er Yannick Frehner e Tyler Moy l'unfrenda da l'ultim tagl da cader.
Il headcoach Jan Cadieux e ses staff han communitgà la squadra da 25 giugaders per il campiunadi mundial da hockey che cumenza il venderdi a Turitg ed a Friburg. La squadra cumpiglia da nov 3 golis, 8 defensurs e 14 attatgaders.
Golis
-
Bild 1 von 3. Sandro Aeschlimann (HC Tavau, goli). Vegliadetgna: 31. Participaziun a campiunadis mundials: 2. Bildquelle: Keystone.
-
Bild 2 von 3. Reto Berra (Fribourg-Gottéron, goli). Vegliadetgna: 39. Participaziun a campiunadis mundials: 10. Bildquelle: Keystone.
-
Bild 3 von 3. Leonardo Genoni (EV Zug, goli). Vegliadetgna: 38. Participaziun a campiunadis mundials: 11. Bildquelle: Keystone.
Manà vegn il team dals 6 stars da la NHL: Roman Josi, Janis Moser, Nico Hischier, Timo Meier, Nino Niederreiter e Pius Suter. Cun Philipp Kurashev pudess in ulteriur legiunari da l'America dal Nord vegnir tar il team. Lura duvrass quai anc in'adattaziun vi dal cader actual. L'attatgader da San Jose sto dentant l'emprim dumagnar tests medicinals.
Ils legiunaris da la NHL uneschan l’experientscha da bundant 4’100 partidas en la NHL.
Defensurs
-
Bild 1 von 8. Roman Josi (Nashville Predators, defensur). Vegliadetgna: 35. Participaziun a campiunadis mundials: 9. Bildquelle: Keystone.
-
Bild 2 von 8. Janis Moser (Tampa Bay Lightning, defensur). Vegliadetgna: 25. Participaziun a campiunadis mundials: 5. Bildquelle: Keystone.
-
Bild 3 von 8. Dominik Egli (Frölunda Göteborg, defensur). Vegliadetgna: 27. Participaziun a campiunadis mundials: 2. Bildquelle: Keystone.
-
Bild 4 von 8. Christian Marti (ZSC Lions, defensur). Vegliadetgna: 33. Participaziun a campiunadis mundials: 6. Bildquelle: Keystone.
-
Bild 5 von 8. Dean Kukan (ZSC Lions, defensur). Vegliadetgna: 32. Participaziun a campiunadis mundials: 8. Bildquelle: Keystone.
-
Bild 6 von 8. Tim Berni (Genevra-Servette, defensur). Vegliadetgna: 26. Participaziun a campiunadis mundials: 1. Bildquelle: Keystone.
-
Bild 7 von 8. Sven Jung (HC Tavau, defensur). Vegliadetgna: 31. Participaziun a campiunadis mundials: 1. Bildquelle: Keystone.
-
Bild 8 von 8. Lukas Frick (HC Tavau, defensur). Vegliadetgna: 31. Participaziun a campiunadis mundials: 3. Bildquelle: Keystone.
L'attatgader dal ZSC Sven Andrighetto fa era part dal cader. El aveva dà ses «comeback» tar la victoria sur la Tschechia la dumengia passada.
Attatgaders
-
Bild 1 von 14. Nico Hischier (New Jersey Devils, attatgader). Vegliadetgna: 27. Participaziun a campiunadis mundials: 6. Bildquelle: Keystone.
-
Bild 2 von 14. Timo Meier (New Jersey Devils, attatgader). Vegliadetgna: 29. Participaziun a campiunadis mundials: 4. Bildquelle: Keystone.
-
Bild 3 von 14. Nino Niederreiter (Winnipeg Jets, attatgader). Vegliadetgna: 33. Participaziun a campiunadis mundials: 9. Bildquelle: Keystone.
-
Bild 4 von 14. Pius Suter (St. Louis Blues, attatgader). Vegliadetgna: 29. Participaziun a campiunadis mundials: 2. Bildquelle: Keystone.
-
Bild 5 von 14. Simon Knak (HC Tavau, attatgader). Vegliadetgna: 24. Participaziun a campiunadis mundials: 1. Bildquelle: Keystone.
-
Bild 6 von 14. Ken Jäger (Lausanne HC, attatgader). Vegliadetgna: 27. Participaziun a campiunadis mundials: 2. Bildquelle: Keystone.
-
Bild 7 von 14. Damien Riat (Lausanne HC, attatgader). Vegliadetgna: 29. Participaziun a campiunadis mundials: 4. Bildquelle: Keystone.
-
Bild 8 von 14. Théo Rochette (Lausanne HC, attatgader). Vegliadetgna: 24. Participaziun a campiunadis mundials: 0. Bildquelle: Keystone.
-
Bild 9 von 14. Christoph Bertschy (Fribourg-Gottéron, attatgader). Vegliadetgna: 32. Participaziun a campiunadis mundials: 6. Bildquelle: Keystone.
-
Bild 10 von 14. Attilio Biasca (Fribourg-Gottéron, attatgader). Vegliadetgna: 23. Participaziun a campiunadis mundials: 0. Bildquelle: Keystone.
-
Bild 11 von 14. Sven Andrighetto (ZSC Lions, attatgader). Vegliadetgna: 33. Participaziun a campiunadis mundials: 6. Bildquelle: Keystone.
-
Bild 12 von 14. Denis Malgin (ZSC Lions, attatgader). Vegliadetgna: 29. Participaziun a campiunadis mundials: 4. Bildquelle: Keystone.
-
Bild 13 von 14. Nicolas Baechler (ZSC Lions, attatgader). Vegliadetgna: 22. Participaziun a campiunadis mundials: 1. Bildquelle: Keystone.
-
Bild 14 von 14. Calvin Thürkauf (HC Lugano, attatgader). Vegliadetgna: 28. Participaziun a campiunadis mundials: 3. Bildquelle: Keystone.
Moy sto star a chasa
Betg dumagnà l'ultim tagl da cader han ils defensurs Giancarlo Chanton (Servette), Fabian Heldner (Losanna) e Simon Seiler (Friburg) sco er ils attatgaders Yannick Frehner (Tavau) e Tyler Moy (Rapperswil-Jona). Moy aveva anc briglià al campiunadi mundial 2025 ed era stà cun quatter gols sco er otg assists il topscorer da la Nati.
Sper ils stars da la NHL e 18 giugaders da la National League fa Dominik Egli l'excepziun: El è sut contract en Svezia tar Frölunda.
«La decisiun è stada tut auter che simpla. Tut ils giugaders hajan mussà enorm engaschi e dà tut per la Svizra durant las quatter emnas da preparaziun passadas», vegn cità Jan Cadieux en ina communicaziun a las medias da la federaziun. «Uss vai en ils proxims trenaments per la davosa glimada fina. Il plaschair anticipà sin la partenza dal campiunadi mundial cunter l'USA e la festa da hockey en Svizra è immens.»