Siglir tar il cuntegn

Header

cuntegn

Campiunadi mundial da juniors Nagin grond exploit da Gino Stucki

Il skiunz da Flond è vegnì 18avel en il slalom dal campiunadi mundial da juniors a St. Anton.

La gronda finamira dal skiunz da 21 onns era ina medaglia, conscient ch'i vegnia tut auter che simpel suenter ina stagiun difficila. En l'emprim percurs ha il Sursilvan persvas ed è stà rangà sin plazza 12, quai malgrà ch'el ha stuì parter cun l'aut numer 37. En il segund percurs ha Gino Stucki lura pers anc sis plazzas ed è crudà enavos sin plazza 18. Tuttina è l'atlet da Flond stà uschia il meglier svizzer.

audio
Intervista cun Gino Stucki
ord Actualitad dals 25.01.2023.
laschar ir. Durada: 3 minutas 37 Secundas.

Campiun mundial da juniors en il slalom è il Talian Corrado Barbera vegnì. El ha gudagnà avant Adam Hofstedt da la Svezia ed Antoine Azzolin da la Frantscha.

Il campiunadi mundial da skis da juniors va a fin per la Svizra cun otg medaglias ( trais dad aur) ed uschia gudogna la Svizra il spievel da medaglias.

Artitgels legids il pli savens

Scrollar a sanestra Scrollar a dretga