A Calgary ha cumenzà il campiunadi mundial dal hockey sin glatsch da las dunnas. Sco emprim han las hockeyanas svizras gì las Americanas sco adversarias. Ed ellas han pers la partida cun 0:3.
Las Svizras èn sa defendidas uschè bain sco pussaivel cunter las favuritas – las Americanas ch’èn stadas las tschintg davosas giadas campiunessas mundialas. La finala èn ellas dentant stadas senza schanza. A la fin è la relaziun dals sajets sin ils gols stada ord vista svizra, 10 cunter 58.
Gia la notg sin dumengia suonda la proxima partida per la squadra dal trenader Colin Muller – lura spetgan las Russas. Il modus spezial da quest campiunadi garantescha dentant a las Svizras in plaz segir en ils quartfinals.
