Ditaji Kambundji procura il davos di dals campiunadis europeics a Minca anc ina giada per in grond success svizzer. La Bernaisa da 20 onns gudogna bronz tar la cursa d'obstachels sur 100 meters.
Cun 12,74 secundas è la sora giuvna da Mujinga Kambundschi stada in tschientavel pli sperta che l'Ollandaisa Nadine Fisser. La medaglia d'aur tar la cursa d'obstachels sur 100 meters fa Pia Skrzyszowska da la Pologna (12,53), argient va a l'Ungaraisa Luca Kozak (12,69).
Per Ditaji Kambundji èsi ses pli grond success enfin uss, quai che pertutga titels. L’onn passà era ella currida per aur als campiunadis europeics U20.
