Siglir tar il cuntegn

Header

cuntegn

Minca Mujinga Kambundji è campiunessa europeica sur 200 meters

video
Aur per Kambundji sur 200 meters
Or da Sport-Clip dals 19.08.2022.
laschar ir. Durada: 42 Secundas.

Aur per Mujinga Kambundji en la cursa da 200 meters. Suenter la medaglia d'argient sur ils 100 meters als campiunadis europeics a Minca ha l'atleta bernaisa gudagnà il final sur ils 200 meters en in temp da 22,32 secundas. Segunda è vegnida la defensura dal titel, la Brita Dina Asher-Smith e terza la Danaisa Ida Karstoft.

Quai è l'emprim titel internaziunal en il liber per Kambundji – suenter ch'ella era gia daventada quest onn campiunessa europeica sur 60 meters en halla. Dals campiunadis mundials a Doha il 2019 era Kambundji daventada terza sur ils 200 meters.

Novitads 23.00

Artitgels legids il pli savens