- Suenter la schleppa da 0:7 encunter la Svezia, brigliescha la Svizra cun 8:1 encunter la Slovachia
- 5 dad 8 gols èn crudads che la Svizra era en surpli
- Per ils Svizzers èsi la terza victoria en quatter gieus
- Gregory Hofmann traglischa cun 4 puncts da scorer (2 gols e 2 assists)
video
Hofmann cun 7:1 suenter cumbinaziun
Or da Sport-Clip dals 27.05.2021.
laschar ir. Durada: 42 Secundas.
La squadra naziunala dal hockey è sa reveginda da sia terrada da stersas al campiunadi mundial da hockey. Uschia ha la Svizra fin uss gudagnà trais da quatter gieus. Ils Svizzers gudognan gist cun 8:1 la partida dal campiunadi mundial cunter la Slovachia, ch'avevan fin uss dà giu nagin punct. Betg main che 5 gols han ils Svizzers sajettà cura ch'els eran en surpli sin il glatsch.
Ferm collectiv
Dals giugaders svizzers èsi gists plirs ch'èn dads positiv en egl:
- Diaz: Il capitani da la naziunala svizra ha sajettà il pli impurtant gol al 1:0 per la Svizra. Cun quest gol ha el avert las portas per ils Svizzers. Plinavant ha el gidà cun in assist a Sven Andrighetto da vegnir al 2:0.
- Romain Loeffel: El ha sajettà dus gols, quel al 3:0 e l'ultim al 8:1. Ultra da quai po el notar in assits.
- Gregory Hofmann: Hofmann è vegnì sin total 4 puncts da scorer, quai grazia a ses dus gols al 4:0 ed al 7:1 e lura anc dus assists.
- Andrighetto: El ha rimnà 3 puncts cun sajettar in gol e far dus assits.
- Berra: Il goli ha gì precedenza davant il goli Leonardo Genoni. El ha dentan mussà ina buna prestaziun cunquai che be Michal Kristof ha battì el.
Il proxim adversari da la Svizra è la sonda suentermezdi la Russia.
