Siglir tar il cuntegn

Header

video
YB perda cunter Atalanta
Or da Sport-Clip dals 29.09.2021.
laschar ir
cuntegn

Champions League Ils Young Boys perdan en l'Italia

Ils Young Boys han stuì magunar ina terrada en lur segund gieu da la fasa da gruppa da la Champions League. Ils Bernais han pers ordaifer encunter Atalanta Bergamo cun 0:1. Malgrà il resultat piz a cup han ils Talians cun il giugader da la naziunala Remo Freuler dà en il tun. Il gol da victoria han ils Talians sajettà en la 68avla minuta. Sco proxim gioga YB encunter Villarreal ils 20 d'october.

United gudogna en las ultimas secundas

Manchester United reagescha sin la terrada cunter ils Young Boys. A chasa batta la squadra da Solsjkaer Villareal cun 2:1. Il gol decisiv ha sajettà Cristiano Ronaldo en la 95avla minuta. Igl è stà l'ultima acziun da la partida.

En la tabella da la gruppa F sa chattan ils Young Boys da nov sin posiziun dus - quai cun tuttina blers puncts sco Manchester United. A la testa cun 4 puncts ord duas partidas è Atalanta Bergamo.

RTR novitads 06:00

Artitgels legids il pli savens

Scrollar a sanestra Scrollar a dretga