Siglir tar il cuntegn

Header

cuntegn

Champions League YB gioga pari cunter Atalanta

Ils Young Boys fan in punct en il tschintgavel gieu da la Champions League en la gruppa F, cun dar pari 3:3 cunter Atalanta Bergamo. Uschia pon ils Bernais vinavant sperar da cuntanscher plaz 3 en la fasa da gruppa da la Champions League, quai muntass da pudair cuntinuar en la Europa League.

En las davosas 10 minutas ha YB l'emprim fatg ord in 1:2 in 3:2 – cun gols da Vincent Sierro en la 80avla minuta e Silvan Hefti en la 84avla minuta. Lura ha Bergamo dentant anc pudì egualisar, Luis Muriel ha realisà in culp liber direct e tras il mir manglus al 3:3.

ManUnited en la fasa da K.o.

En il segund gieu da la gruppa F ha Manchester United gudagnà cun 2:0 cunter Villareal. La decisiun è dentant pir crudada en las davosas 15 minutas. En la 78avla minuta ha Cristiano Ronaldo marcà, ed en la 90avla minuta ha Jadon Sancho procurà per la decisiun.

Ils Brits èn cunquai sa qualifitgads per ils otgavelfinals da la Champions League.

RTR novitads 23:00

Artitgels legids il pli savens