Siglir tar il cuntegn

Header

video
Christian Wohlwend n'è betg pli trenader dal HCD
Or da Telesguard dals 11.01.2023.
laschar ir. Durada: 1 minuta 47 Secundas.
cuntegn

Club da Hockey Tavau Wohlwend relaschà per immediat

Il Club da hockey Tavau na prolunghescha betg il contract cun ses trenader principal Christian Wohlwend, quai ha communitgà il club sin sia pagina web. En pli vegnia Wohlwend dispensà per immediat – per dar novs impuls a l’equipa. Enfin la fin da la stagiun surpiglian ils dus trenaders assistents Waltteri Immonen e Glen Metropolit las incumbensas sco co-coaches.

Nus essan da l’opiniun, che l’equipa dovra en il futur auters, novs impuls ed ina nova vusch per sa sviluppar.
Autur: Jan Alston Schef da sport dal HCD

Tenor Jan Alston, il schef da sport, vulan ins cumenzar immediat cun il svilup dal team, perquai hajan ins decidì da midar trenader gia anticipadamain e dispensà Wohlwend per immediat.

audio
Tge di Gianola da la decisiun da relaschar Wohlwend?
ord Actualitad dals 11.01.2023. Maletg: Keystone
laschar ir. Durada: 3 minutas 9 Secundas.

Segnà da corona

Christian Wohlwend ha cumenzà sco trenader principal il HCD en il matg 2019. Ensemen cun ils assistents Johan Lundskog, Waltteri Immonen e Peter Mettler ha el surpiglia la successiun dad Arno Del Curto. La lavur è stada caracterisada da la pandemia. Il mars 2020 ha il campiunadi stuì vegnir interrut avant ils playoffs. La stagiun suenter ha gì lieu senza aspectaturs e senza Cuppa Spengler. Era la stagiun 2021/22 è anc adina stada influenzada dal virus – puspè senza Cuppa Spengler.

L'emprima partida dal HCD senza Wohlwend ha gia lieu dumengia cunter Lugano.

RTR novitads 10:00

Artitgels legids il pli savens