Ad Andri Ragettli da Flem è gartegià ses comeback suenter sia greva blessura dal schanugl. Il skiunz da freestyle da 23 onns ha gudagnà l’occurrenza da slopestyle a Font Romeu en Frantscha. Quai cunzunt grazia ad in ferm emprim run.
Dumengia, suenter bunamain 10 mais senza concurrenza, ha el mussà ch'el è puspè en furma. Sco sch'el na fiss mai stà davent, ha Andri Ragettli gudagnà la concurrenza cun 86,36 puncts. Ses plan d'esser fit per ils gieus olimpics para da funcziunar.
Ulteriurs Svizzers en ils top ten
Cun Fabian Bösch sco 6avel e Valentin Morel sco 8avel èn dus ulteriurs Svizzers sa classads tranter ils megliers 10.
Ord l'archiv
video
Il freestyler Andri Ragettli da Flem
Or da Telesguard dals 08.10.2019.
laschar ir. Durada: 3 minutas 54 Secundas.
