En la Conference League ha il FC Basilea pers l’emprim gieu dal playoff ordaifer cunter il campiun tirc Trabzonspor cun 0:1. Il FCB è stà en tuts reguards inferiur, e sto esser led che l’ipoteca per il gieu da return en in’emna na paisa betg pli grev. Cunzunt a las paradas dal goli Marwin Hitz han ils da Basilea d’engraziar quai.
En la 65avla minuta ha Jens Stryger Larsen sajettà il gol per Trabzonspor, suenter che Marwin Hitz ha tegnì in emprim sajet. En la 78avla minuta n’ha l’arbiter betg laschà valair il pussaivel segund gol per il club tirc, pervi d’ina posiziun da offside zunt minima. Las meglras schanzas per Basilea ha Anton Kade manchentà avant la pausa.
