Il chapitani dal club da hockey da Tavau prolunghescha ses contract tar ils Grischuns. Andres Ambühl resta dus ulteriurs onns fin il 2025, sco il HCD communitgescha. Ses contract actual fiss stà terminà la fin da la stagiun.
Andres Ambühl ha cumenzà il 2000 tar Tavau, e giugà là fin il 2009. Suenter è el stà engaschà en l'America dal Nord e tar ils ZSC Lions. Il 2014 è Ambühl lura puspè turnà tar il HCD, e dapi lura è el era chapitani.
Era Chris Egli resta fidaivel
Per trais onns prolunghescha l'indigen da 26 onns Chris Egli ses contract cun il HCD. Uschia porta el las colurs da Tavau fin il 2026. Actualmain dat el sia setavla stagiun en il dress da l'emprima equipa.
