Jasmine Flury da Tavau è fin oz er la suletta grischuna ch’ha gudagnà ina giada ina cursa da la cuppa mundiala. Il december 2017 ha la skiunza da 29 onns oriunda da Tavau gudagnà il super-G da San Murezzan.
Durant ch’i ha dà blers skiunzs grischuns ch’han procurà per success en la cuppa mundiala èn ils success da las skiunzas grischunas stgars. Davos Jasmine Flury emprovan il mument tranter auter Stephanie Jenal da Samignun e las duas engiadinaisas Vanessa Kasper e Selina Egloff da fitgar pe en la cuppa mundiala. Ma gist or da la Surselva ed il Grischun Central n’èn las skiunzas betg per pes.
A l’ur dals campiunadis mundials da skis a Courchevel/Méribel ha RTR confruntà Beat Tschuor da Sursaissa, il scheftrenader da las skiunzas svizras cun questa problematica.