Michelle Gisin n'ha betg pudì repeter sia plazza da podest dad ier dal slalom gigant a Courchevel. Sco megliera skiunza svizra è ella vegnida dieschavla.
Suenter l'emprim percurs era Michelle Gisin anc sin posiziun 6 e lajegiava anc sin ina plazza da podest. Ella ha lura dentant gì fadia da chattar il ritmus ed è lura crudada giu en la rangaziun. Tuttina è Gisin cuntenta cun sia prestaziun a Courchevel.
Videogalerie
Il podest
- 1. Sara Hector (Svezia) 2:13,03 minutas
- 2. Mikaela Shiffrin (USA) +0,35 secundas
- 3. Marta Bassino (Italia) +0,60 secundas
Gudagnà la cursa ha la segund plazzada dad ier: la Svedaisa Sara Hector avant la victura dad ier, l'Americana Mikaela Shiffrin. La Taliana Marta Bassino è vegnida terza.
Las ulteriuras prestaziuns svizras
- 10. Michelle Gisin +1,78
- 12. Camille Rast +3,11
- 16. Wendy Holdener +3,35
- 18. Simone Wild +3,79
- 25. Andrea Ellenberger +4,49
- 26. Corinne Suter +4,71
Videogalerie
Uschia vai vinavant
Las proximas cursas da slalom gigant e slalom per las skiunzas han lieu a Lienz en l'Austria – e quai ils 28 respectiv ils 29 da december.
