Tar l'emprim slalom parallel da la stagiun ha Julie Zogg dumagnà il pass sin il podest. En il final a Winterberg, en la Germania è la snowboardista svizra vegnida segunda davos l'Austriaca Sabine Schöffmann. Gliezza è stada 17 tschientavels pli sperta che la Svizra.
Per Julie Zogg èsi la 18avla plazza da podest en in slalom parallel. Per Jessica Keiser èsi stà a fin en il quart-final, per Patrizia Kummer e Ladina Jenny gia ina runda avant. Tar ils umens è Dario Caviezel crudà ora en il quart-final.