La snowboardista svizra Julie Zogg ha gudagnà il slalom parallel a Berchtesgaden en la Germania e cunquai era la culla da cristal pitschna. Igl è stà sia 10avla victoria en la cuppa mundiala. Il final ha la Songagliaisa gudagnà cunter la Canadaisa Megan Farrell. Per la Grischuna Ladina Jenny èsi stà a fin en il quartfinal dal slalom parallel.
video
Resumaziun curta dal snowboard alpin a Berchtesgaden
Or da Sport-Clip dals 19.03.2022.
laschar ir. Durada: 41 Secundas.
Ils umens svizzers èn gia crudads ora en la qualificaziun. Dario Caviezel è stà il meglier ed è vegnì 24 avel, Nevin Galmarini è 30avel e Gian Casanova 31avel. Nevin Galmarini vegn a terminar sia carriera la fin da la stagiun.
