Cuppa mundiala MTB a Lai - Joel Roth sin il podest dals U23
Joel Roth ha danovamain persvadì en la categoria dals umens U23. Il Svizzer è vegnì terz a Lai. Sin il victur, il Chilen Martin Viadurre ha Roth pers 35 secundas. Segund è vegnì il Talian Juri Zanotti. Ina buna prestaziun ha er Luke Wiedmann mussà. El è vegnì sco segund meglier svizzer 7avel.
Legenda:
Joel Roth è vegnì terz tar la cursa da cross country dals U23 a Lai.
Keystone
Ils dus grischuns, Janis Baumann dad Igis è vegnì 28avel (+4:45 minutas) e Janis Spescha da Cuira ha terminà sia emprima cursa da la cuppa mundiala sin plazza 47 (+7:05 minutas).
En la cursa da las dunnas U23 èn duas Svizras vegnidas en las top 10. Noelle Buri è daventada 6avla e Ronja Blöchlinger 8avla. Gudagnà a la favurita Mona Mitterwallner. L'Austriaca era er gia vegnida avant in'emna a Val di Sole campiunessa mundiala en tar las dunnas U23. A Lai ha ella triumfà avant Caroline Bohe dal Danemarc e l'Americana Savilia Blunk.
