Siglir tar il cuntegn

Header

Legenda: Janis Spescha (19) da Cuira mad
cuntegn

Cuppa mundiala MTB a Lai Janis Spescha: «In siemi è ì en vigur»

Il giuven Janis Spescha da Cuira ha dà a Lai ses debut en la cuppa mundiala da mountainbike. Spescha ha dastgà sa mesirar per l’emprima giada cun l’elita mundiala en la categoria dals umens U23. E la premiera è gartegiada. Il giuven grischun da 19 onns è vegnì 47avel da bunamain 100 atlets.

audio
Janis Spescha cuntent cun sia premiera en la cuppa mundiala
03:06 min, Sport ed actualitad dals 05.09.2021.
laschar ir. Durada: 03:06 minutas.

Janis Spescha è partì cun il numer 101 ed uschia en ina da las davosas retschas. La finala ha el terminà la cursa amez la rangaziun cun in retard da bun set minutas sin il victur, il Chilen Martin Vidaurre Kossmann ch’era gia vegnì a Val di Sole campiun mundial en la categoria dals umens sut 23 onns.

Per Janis Spescha è en mintga cas in siemi ì en vigur e quai ad ina cursa da la cuppa mundiala quasi avant ses isch-chasa. Perquai haja el era gì grond sustegn da sia famiglia e collegas che hajan tuts fatg il viadi a Lai. El saja en mintga cas fitg cuntent, uschia il giuven talent da Cuira.

 

RTR actualitad 17:00

Artitgels legids il pli savens

Scrollar a sanestra Scrollar a dretga