Ils Svedais èn campiuns olimpics da curling. En la runda finala gudogna il team enturn skip Niklas Edin cunter la Grond Britannia cun 5:4 – suenter in end supplementar. Per Edin èsi, suenter plaz 4 a Vancouver (2010), bronz a Sotschi (2014) ed argient a Pyeongchang (2018) la proxima medaglia logica.
video
In dals highlights dal gieu final
Or da Beijing 2022 Clips dals 19.02.2022.
laschar ir. Durada: 2 minutas 11 Secundas.
Las Medaglias
- Svezia
- Gronda Britannia
- Canada
Ils Svizzers en la Round Robin:
L'equipa svizra da curling enturn skip Peter de Cruz ha gudagnà ses ultim gieu da la Round Robin – quai cun in 10:8 encunter la Svezia.
Gia avant il gieu era però cler ch'ils curlists svizzers n'han nagina schanza pli per sa qualifitgar per ils mezfinals. E tuttina hani ils Svizzers Valentin Tanner, Peter De Cruz, Sven Michel e Benoît Schwarz dà tut encunter ils Svedais ed han gudagnà grazia ad ina chasa da trais en l'ultim end.
- Gievgia: Svizra – Svezia 10:8
- Mesemna: Svizra – China 5:6
- Mardi: Svizra – Stadis Unids da l'America 7:4
- Glindesdi: Svizra – Gronda Britannia 5:6
- Dumengia: Svizra – Italia 4:8
- Sonda: Svizra – Danemarc 8:6
- Venderdi: Svizra – Canada 5:3
- Gievgia: Svizra – Russia 6:3
- Mesemna: Svizra – Norvegia 4:7
