La sportista da Cuira Nina Zoller ha persvadì tar sia emprima cursa da currer en il tricot da la naziunala svizra d‘atletica leva. La spezialista da cursas da distanza ed anteriura campiunessa mundiala da duatlon è stada la meglra Svizra a la cursa da trail dal «Nations Cup» a Chiavenna. Zoller ch‘ha 34 onns ha terminà la cursa da 19 kilometers sco 12avla. Gudagnà la cursa ha la Taliana Franzesca Ghelfi.
La cursa cun partenza a Bondo ha remplazzà las cursas dal campiunadi mundial e campiunadi d‘Europa ch‘eran vegnidas annuladas pervi da la pandemi da corona.
audio
Per tadlar: Las novitads da las 18:00
ord RTR Audio dals 01.11.2021.
laschar ir. Durada: 5 minutas 16 Secundas.
