Al campiunadi europeic a Trento en l'Italia ha Marlen Reusser fatg la medaglia d'aur en la cursa cunter l'ura. La ciclista bernaisa ha distanzià la segunda, Ellen van Daik dals Pajais Bass per 19 secundas sin ils 22,4 kilometers. Bronz ha gudagnà la Tudestga Lisa Brennauer.
Stefan Küng ha gudagnà per la segunda giada il titel en la cursa cunter l'ura. Il Turgovian ha gì set secundas avantatg sin il segund, Filippo Ganna. Bronz ha fatg cun 14 secundas retard il Beltg Remco Evenepoel.
