Beat Feuz ha dumagnà en la segunda cursa rapida da la stagiun sin ses emprim plaz da podest da questa stagiun. El è vegnì terz a Val Gardena. Gudagnà la cursa ha danovamain Aleksander Kilde. Il Norvegiais, che ha gudagnà 24 uras avant gia il super-G, ha gudagnà cun 22 tschientavels avantatg sin l'American Ryan Cochran.
Dasper Feuz ch'è gia avant dus onns vegnì sin il podest da la Salsong, ha er Carlo Janka mussà ina buna prestaziun. El è vegnì setavel. Terz meglier Svizzer è vegnì Mauro Caviezel sco 12avel.
