Il Svizzer daventa segund a Saalbach ed augmenta uschia ses avantatg avant il final a Lai sin 68 puncts – malgrà in incap tar la partenza. Il sulet che resta anc privlus è l'Austriac Matthias Mayer, ch'è daventà terz cun in retard da 10 tschientavels sin Feuz.
Victur da la segunda davosa cursa rapida da la stagiun daventa il campiun mundial Vincent Kriechmayr. Il Talian Dominik Paris vegn quart, Marco Odermatt ensemen cun l'Austriac Max Franz tschintgavel.
Ils ulteriurs Svizzers:
- 5. Marco Odermatt +0,79
- 13. Stefan Rogentin +1,53
- 15. Niels Hintermann +1,68
- 19. Ralph Weber +1,85
- 22. Carlo Janka +2,00
- 33. Gilles Roulin +2,70
Betg a la partenza è stà Mauro Caviezel. Il Grischun ha stuì chalar sia stagiun, suenter la cupitgada a Garmisch l'entschatta da l'onn n'è el anc betg dal tut fit.