Marco Odermatt – il rival etern da Kilde – è vegnì segund. Cun quai fa el il medem resultat sco tar la cursa rapida d'avant in onn. Sin plaz trais suonda Mattia Casse. Per il Talian da 32 onns èsi pir ses segund plaz da podest.
L'Austriac Vincent Kriechmayr, ch'aveva gudagnà gia dus giadas il classicher a Wengen, è vegnì quart. Pervia dal vent ferm ha la direcziun da la cursa dentant decidì da scursanir il traject e da cumenzar la cursa tar la partenza da reserva.
Il podest
- Aleksander Kilde (NOR), 1:43,14 minutas
- Marco Odermatt, +0,88 secundas
- Mattia Casse (ITA), +1,01
6 Svizzers en ils top 13
Per Beat Feuz, ch'ha oz gì sia davosa cursa sin terren Svizzer, n'hai per 24 tschientavels betg bastì per il podest. Tar l'arrivada ha il public tuttina celebrà il Bernais.
Feuz aveva gia gudegnà trais giadas la cursa rapida al Lauberhorn, sia «cursa preferida». La derniera en la cuppa mundiala vegn Feuz a dar en in'emna a Kitzbühl.
Ils resultats dals ulteriurs Svizzers:
- 5. Beat Feuz, +1,15 secundas
- 7. Niels Hintermann, +1,33
- 8. Gilles Roulin, + 1,56
- 10. Alexis Monney, +1,64
- 13. Stefan Rogentin, +1,85
- 30. Justin Murisier, +2,56
- DNF Lars Rösti
