Podest cursa rapida dunnas:
- Jasmine Flury (SUI) 1:28.03
- Nina Ortlieb (AUT) +0,04 secundas
- Corinne Suter (SUI) +0,12 secundas
-
audioJasmine Flury è campiunessa mundiala da la cursa rapida02:42 min, ord Actualitad dals 11.02.2023. Maletg: Keystonelaschar ir. Durada: 2 minutas 42 Secundas. -
audioReacziun dal scheftrenader Beat Tschuor02:05 min, ord Actualitad dals 11.02.2023. Maletg: Keystonelaschar ir. Durada: 2 minutas 5 Secundas. -
audioReacziuns da bab Georg e madrigna Corinna02:17 min, ord Actualitad dals 11.02.2023. Maletg: Keystonelaschar ir. Durada: 2 minutas 17 Secundas. -
audioValitaziun dal redactur da sport Andreas Wieland05:49 min, ord Actualitad dals 11.02.2023. Maletg: RTRlaschar ir. Durada: 5 minutas 49 Secundas.
Per Jasmine Flury èsi sa chapescha il pli grond success da la carriera. Fin oz era la suletta Grischuna a quests campiunadis mundials en las Alps franzosas stada be duas giadas sin in podest da la cuppa mundiala. Il 2017 aveva ella gudagnà il super-G a San Murezzan ed avant in onn vegnida segunda en la cursa rapida a Garmisch-Partenkirchen. La skiunza da Monstein Tavau è er l'emprima grischuna che daventa campiunessa mundiala da skis.
Flury lai tut las favuritas davos ella
A Méribel ha Jasmine Flury mussà cun il numer 2 ina cursa quasi perfetga. Las grondas favuritas n'han ina suenter l'autra betg pudì batter il temp da la Grischuna, er betg la gronda favurita taliana Sofia Goggia ch'è schizunt vegnida disqualifitgada suenter ch'ella n'ha betg passà endretg ina porta curt avant l'arrivada.
Il pli datiers a Jasmine Flury è l'Austriaca Nina Ortlieb vegnida, la figlia da Patrick Ortlieb ch'era daventà als gieus olimpics dad Albertville il 1992 campiun olimpic en la cursa rapida. Nina Ortlieb ha pers be 4 tschientavels sin Jasmine Flury. Er Corinne Suter, ch'era anc cupitgada grev a Cortina ed ha gì ina scurlada dal tscharvè, ha pers be 12 tschientavels sin la nova campiunessa mundiala ed uschia sin sia successura.
Nagina medaglia per Lara Gut-Behrami
Betg pudì cumbatter per ina medaglia ha tranter auter Lara Gut-Behrami, il grond trumf svizzer. La Tessinaisa ha pers 71 tschientavels e stuì sa cuntentar cun il 9avel plaz. Priska Nufer è vegnida 11avla e Joana Hählen 17avla.
