Vincent Kriechmayr gudogna il davos super-G da la stagiun a Courchevel. L'Austriac gudogna cun in avantatg da 53 tschientavels sin il Svizzer Marco Odermatt. Quel aveva schon tar la cursa rapida da la mesemna fatg avunda puncts per gudagnar la culla gronda. Sin il terz plaz da la cursa dad oz sa tschenta Gino Caviezel, cun in retard da 75 tschientavels.
video
Caviezel: «Igl è bel da finir la stagiun cun in plaz da podest»
Or da Sport-Clip dals 17.03.2022.
laschar ir. Durada: 54 Secundas.
Ils resultats dals Svizzers:
- 2. Marco Odermatt, +0,53
- 3. Gino Caviezel, +0,75
- 9. Justin Murisier, +1,66
- 10. Beat Feuz e Stefan Rogentin, +1,83
video
Feuz: «Dus svizzers sin il podest: Quai è cool»
Or da Sport-Clip dals 17.03.2022.
laschar ir. Durada: 1 minuta 53 Secundas.
Culla pitschna va a Kilde
Schon avant la cursa era la decisiun davart la culla pitschna fatga. Avant var duas emnas ha il Norvegiais Aleksander Kilde gudagnà la culla il super-G a Kvitfjell e fatg avunda puncts per gudagnar la culla da cristal. En la cursa dad oz è el vegnì quart.
