Siglir tar il cuntegn

Header

video
Odermatt: «Sun ma perstgisà circa 20 giadas tar Beat»
Or da Sport-Clip dals 16.03.2022.
laschar ir. Durada: 2 minutas 33 Secundas.
cuntegn

Final cuppa mundiala Odermatt gudogna culla gronda – culla da rapida va a Kilde

Marco Odermatt è classà en la cursa rapida da Courchevel avant Aleksander Kilde e gudogna uschia il classament general.

En la davos cursa rapida dals umens è crudada la decisiun definitiva per il classament general. Cunquai ch'il Svizzer Marco Odermatt è daventà segund e classà avant il Norvegiais Aleksander Kilde va Odermatt cun la culla gronda. Gudagnà la cursa rapida al final da la cuppa mundiala a Courchevel/Méribel ha l'Austriac Vincent Kriechmayer. Terz è vegnì Beat Feuz. Il Grischun Stefan Rogentin è vegnì 18avel, Niels Hintermann è crudà or.

Janka è stà il davos Svizzer avant 12 onns

Marco Odermatt è l'emprim svizzer che gudogna il classament general dapi Carlo Janka, ch'ha fatg quai en la stagiun 2009/2010. En tut han sper Janka ed Odermatt anc trais auters atlets svizzers, numnadamain Peter Lüscher, Paul Accola e Pirmin Zurbriggen. Il Vallesan ha schizunt gudagnà la culla gronda quatter giadas.

audio
Ski Alpin: Marco Odermatt gudogna culla gronda
ord Actualitad dals 16.03.2022.
laschar ir. Durada: 2 minutas 32 Secundas.

Culla pitschna da cursa rapida per Kilde

video
Kilde: «Ina onur, da pudair batter tai, Beat Feuz»
Or da Sport-Clip dals 16.03.2022.
laschar ir. Durada: 3 minutas 18 Secundas.

Cun ses quart plaz en la cursa rapida gudogna Aleksander Kilde la culla pitschna en la disciplina da la cursa rapida. En il classament è il Norvegiais trais puncts avant Feuz. Uschia manchenta il Bernais be per pauc la tschintgavla culla en sia disciplina da parada. Kilde ha gia gudagnà la culla da super-g.

Aleksander Kilder
Legenda: Aleksander Kilder ha fatg ils pli blers puncts en la cursa rapida. Keystone

RTR novitads 11:00

Artitgels legids il pli savens